مش بطرحة بس ونقولى انا محجبة (موضوع اعجبنى )

[الدكتورة نسيبة]

مش طرحة بس
ليه البنات مش بيلتزموا بالنموذج الصحيح للحجاب
الشرعى ؟سؤال طرحناه عليكم 00مشاكل كتير
جاتلنا 00عوائق كتير سمعناها 00يا ترى ايه اسباب المشاكل دى00 و الاهم ايه هو الحل00
تعالوا مع بعض نعرف الاسباب ونحل المشاكل00
ونرد عليها بهدوء00


ايه المشكلة

1- انا بحب دايما ان شكلى يكون شيك و لبسى كمان و بصراحة بشوف اشكال من الحجاب مش بتعجبنى خالص!
الرد: الاسلام هو دين الجمال فهو يحثنا على النظافة و المظهر الحسن و شرع لنا الزينة و خاصة للمرأة التى فطر الله فيها ميلا للتزيين فخصها الله دون الرجال بلبس الحرير والذهب و لكن فى حدود المعقول و بضوابط الشرع و هناك الكثير من اشكال الحجاب الشرعى الصحيح التى تلائم المظهر الجميل و التزين الحلال(الشيك)
ولا تتعارض مع الشرع0


2ـ انا الحمد لله اتحجبت00 بس انا اتعودت على اللبس ده يعنى لو غيرت لبسى ارمى كل الهدوم اللى عندى!
الرد: ان الله عزيز لا يقبل الا عزيزا 00فالانسان الذى يطمع فى رضا ربه يجب ان يضحى و هذه هى اقل تضحية تقدمها الفتاة لتظهر عزمها على التوبة ولا تكون ملابسك اغلى عندك من الله فمن ضحى بشئ ابتغاء وجه الله وحده ابدله الله خيرا منها فى الدنيا قبل الاخرة اما بالنسبة للتعود فما جعلكى تتعودين على هذا الملبس يجعلكى تتعودين على غيره فالانسان هو من يصنع عاداته0



3ـ انا عايزة اقوى ايمانى الاول و بعد كده اتحجب صح عشان الحجاب حيفرض عليا سلوك معين وما اكونش صورة سيئة للمحجبات!
الرد: هذا هو احد مداخل الشيطان و تزيينه ليؤخر طاعتك و يزيد من سيئاتك فستظلى تحملين ذنبك و ذنب من ينظر الى ما لا يحل منك فحجابك الصحيح هو الطريق الصحيح لزيادة ايمانك 00و ستجدين توفيقا من الله وعونا على تغيير نفسك وقد اخبرنا الرسول صلى الله عليه وسلم أنالايمان ما وقر فى القلب وصدقه العمل) فما فائدة الايمان ان لم ينعكس على الجوارح و لم يصاحبه العمل الصالح و الحرص على التمسك بأوامر الله و الكف عن معصيته و قد قرن الله دائما فى القرآن الكريم بين الايمان و العمل الصالح(الذين آمنوا وعملوا الصالحات)كما انه لا يوجد من يضمن عمره0



4ـ و الله انا احسن من محجبات كتير ده منهم اللى بتكدب واللى بتشتم و اللى مش بتصلى و اكتر من كده00
الرد:كل مجتمع به الصالح و السيئ و هذا غير مرتبط اطلاقا بالحجاب فهناك بالفعل نماذج تسئ للمحجبات و لكن هذه ليست تهمة للحجاب مثل الذى يصلى و يسرق فهذه ليست تهمة للصلاة و انما لمن يسرق كما انه لماذا نقارن انفسنا بتلك النماذج ولا نقارنها بالكثير من المحجبات ذوات الاخلاق الحسنة و السلوك القويم لماذا لا تتحجبى و تظلى على الاخلاق الحسنة التى عندك و تكونى قدوة لغيرك؟؟



5ـ انا بلبس بس كده لغاية ما اتجوز لكن بعد كده ان شاء الله لبسى حيتغير خالص!
الرد:كما يقال الزواج قسمة ونصيب فهو قدر لا يتدخل الانسان فيه فان من يتزوجك لاجل شكلك فسريعا ما سيجد من هى اجمل منك بعد ان يراكى دون (ماكياج) فمثل هذا الرجل لا يمكن ان يحافظ عليكى خاصة مع مرور الزمن و لكن الذى يقدركى فعلا هو من اختارك لاجل اخلاقك و هذا هو ما يبحث عنه معظم الشباب الان فالشاب الملتزم لا يرضى الا بمن تلتزم بدينها و حتى الشاب العادى حين يختار فهو يختار من تصلح ان تبنى له اسرة و تكون أما لاولاده و هى بالطبع تختلف عمن كان يتسلى بهن ومن يضمن لكى طول عمرك حتى الزواج فكثيرا ما رأينا وفاة لطالبات فى سن صغيرة فلناخذ منهن العبرة والعظة0



6ـانا عايزة التزم بالحجاب الصحيح بس مش عارفة اخد القرار حاسة ان الموضوع صعب عليا اوى!
الرد: يقول الله تعالى(و ما كان لمؤمن و لا مؤمنة اذا قضى الله و رسوله امرا أن يكون لهم الخيرة من امرهم و من يعص الله و رسوله فقد ضل ضلالا مبينا) فاذا تبين لكى خطأ ما تفعلينه فلابد ان تتخذى أول خطوة للابتعاد عنه فورا ولا تجعلى هوى أو شهوة خير عندك من امر الله و رسوله فما دام الله قد كلفك بشئ فهو يعلم انك قادرة عليه فهو القائل(الا يعلم من خلق و هو اللطيف الخبير)و لكنه يختبر ايمانك و ثباتك فلتكن ارادتك اقوى من ارادة و اغواءات الشيطان و متطلبات نفسك فلتقومى بمجاهدة نفسك و الاستعاذة من الشيطان مع خالص اللجوء الى الله تعالى و طلب العون منه و توفيقه و لا بأس من الاستعانة بالملتزمين من صديقاتك مع وضع ثواب الحجاب الصحيح و عقاب تركه أمام عينيكى دائما 0



كلام البنات



بنات كتير كتبولنا عن تجاربهم مع الحجاب تعالوا مع بعض نسمع منهم حكايتهم اللى كتبوها عن نفسهم0000000000


السلام عليكم و رحمة الله و بركاته ما خبيش عليكم انا كنت مترددة اكتبلكم حكايتى كان اجمل يوم فى حياتى هو يوم ما لبست الطرحة ياااه اخيرا ربنا هدانى و رضى عنى خلاص انا محجبة صورتى فى المرايا كانت جميلة ماما قالت لى مبروك يا حبيبتى)الطرحة هاتاكل منك حتة فى نفس اليوم حطيت ال(make up) بتاع كل يوم و لبست لبسى العادى اللى انا متعودة عليه كنت حاسة ان حجابى فيه حاجة غلط بس كنت بقول لنفسى احسن من مفيش وواحدة واحدة الموضوع حيبقى كويس رحت الجامعة كل الشلة باركولى ولاد و بنات و قالولى ان الحجاب خلانى زى القمر مرت سنة و انا لايسة الطرحة لكن حاسة انى ما اتغيرتش لبسى الضيق زى ما هو مكياجى على وشى وعلاقتى بصحابى ما فيهاش اى تغيير نفس الاسلوب و نفس الطريقة ولاد مع بنات مع بعضنا وهزار و مفيش فرق لغاية اليوم اللى سمعت كلمة منها أول انسانة صارحتنى بحقيقتى المرة قالتها لى رغم انها شافتنى كتير كلمة هزتنى و خلت دموعى تنزل على خدى (يا ريتك عريتى شعرك و غطيتى جسمك) ما صدقتش انها بتكلمنى مشت و سابتنى على طول وقفت شوية كأن الارض بتتهز من حولية مشيت كتير ما كنتش حاسة بأى حد و أى حاجة من حولية مشيت و صلت البيت دخلت الاوضة (الغرفة) و بصيت فى المرايا و لأول مرة كرهت كل الالوان اللى كانت على وشى غسلت وشى و غسلت معاه كل أيام عدت كنت فاكرة فيها انى مرتاحة و راضية لكن لأول مرة حسيت انى اتولدت من جديد وحسيت بطعم الرضا كانت هى دى البداية بداية التغير فى حياتى و لبسى بس انتوا ادعولى ان ربنا يثبتنى000




2ـ انا طالبة باحدى الكليات العملية حبيت اقول لزميلاتى الطالبات حكايتى يمكن يستفيدوا منها 00
انا الحمد لله نشأت فى بيت متوسط الحال بين أب و أم ربوا أولادهم على الادب و الاخلاق وكان ليا واحدة صاحبتى لأ بصراحة هى أختى لأن أنا ما ليش اخوات بنات كانت ساكنة قريب منى دخلنا المدرسة مع بعض و كنا دايما نطلع من الاوائل لغاية ما دخلنا الكلية مع بعض و احنا و الحمد لله لبسنا الطرحة من واحنا فى اعدادى و لما دخلنا الجامعة كنا بنلبس زى معظم البنات اللى فى سننا يعنى كان ممكن نلبس بنطلونات و باديهات لبس ضيق شوية وما كنش فى مانع نغطى راسنا باسبنش أهو كله طرحة بس ما ضحكش عليكم ساعات كتير كنت باحس من جوايا ان حجابنا كده فيه حاجة غلط لكن انا كنت باكتم الشعور ده جوايا و اقول ما انا لابسة طرحة ومحجبة و انا لبسى احسن كتير من غيرى 00لغاية ما جه يوم كنت مستنية صاحبتى عشان نروح الكلية مع بعض وأول ما نزلت كنت مستغربة شوية لاقيتها لابسة لبس واسع وطويل عن كل مرة طبعا هى حست انى مستغربة ! قالت لى:ححكيلك و احنا مشيين و قعدت تكلمنى طول السكة و قالت لى انها عرفت شروط الحجاب الصحيح و ان ده الشكل اللى مفروض يكون عليه حجابنا و حاولت تقنعنى انى اعمل زيها لكن ده كان ردى ساعتها:شوفى يا حبيبتى ربنا عايزنى كده و لو ربنا عايزنى اكون زيك فأنا اكيد هاكون زيك انا حاسة انى حييجى عليا يوم واكون زيك لكن ده لما ربنا يريد00 ردت و قالت لى:يا بنتى هو مين يضمن عمره ؟؟؟!! ما ردتش عليها و غيرت الموضوع و بعدها بكام يوم كنت قاعدة بتفرج على برنامج لعمرو خالد كان بيتكلم عن حاجة اسمها:
(الرسائل الربانية) كان بيقول :لله الرسائل الربانية دى ممكن تكون آية تسمعها أو موقف يحصلك،و ممكن يكون موت واحد من أعز اصحابك كلامه أثر فيا اوى و بعد كام يوم جاتلى الرسالة صحيت على رنة التليفون:0000ألو0000 ما قدرتش امسك نفسى وانا بسمع المكالمة الدم اتجمد فى عروقى و كان خلاص حيغمى عليا كان خبر صعب اوى كان خبر وفاة صاحبتى و حبيبتى واختى فضلت منهارة لدقايق مش عارفة اجمع اعصابى انهمرت دموعى وحسيت ان ربنا باعت لى رسالة فى موت صاحبتى مضمونها كلمتها اللى كانت بترن فى ودانى (هو مين يضمن عمره)حسيت انى ما اقدرش أقابل ربنا و انا بالصورة دى كان لازم اتغير و كانت هى دى بدايتى مع الالتزام بالحجاب الصحيح خلاص ما ينفعش اضحك على نفسى و اقول مانا لابسة طرحة00و انا بادعى ربنا من قلبى انه يتقبل منى و ان كل البنات اللى لابسين الحجاب كموضة يحاولوا يتغيروا للاحسن و يحرصوا على الزى اللى يرضى ربنا مش اللى يرضيهم بس00000




الأميرة
( كانت تمشى على ضفاف النهر بخطوات رشيقة متناغمة 00تتمايل بنعومة و خفة 00تمشى بقدميها على تراب فاحت منه رائحة المسك00 و صبغ الزعفران لونه00 وتناثر اللؤلؤ و المرجان حوله00و كأنها تعمدت ان تثير التراب حولها00 و تجعله يتناثر على ثيابها00 تلك الثياب التى تعددت الوانها 00 ثياب من حرير و ديباج 00 ليست كثياب الدنيا 00 لم ترها عين قط00 و لم تخطر على قلب بشر00 ثياب من سبعين حلة00 متراصة بعضها فوق بعض00 ولا عجب حين يظهر بياض ساقيها من خلف هذه الحلل00فتلك المرأة ليست من نساء الدنيا00 ظلت تدور حول خيمتها00 تلك اللؤلؤة المجوفة00 طولها 60 ميلا00 يدور حولها غلمانها و جواريها00 الجوارى التى لو خرجت منهن جارية على اهل الدنيا 00 لأضاء جمالها ما بين المشرق و المغرب00 هذه خادمتها00 فكيف يكون جمالها هى 00 كان زوجها على سرير من ذهب 00 فاذا به يرى ضياءا و نورا00 يسأل من حوله عن هذا الملك الكريم الذى ظهر نوره فجأة0
فيجيبه الغلمان انها زوجته00 فيهوى قلبه اليها 00
و يطير فراشة تلبية لحبها00
لا عجب حين تغار منها الحور العين00 وأسمع لهن حين اردن ان يتفضلن عليها00 فيقلن لها (نحن الراضيات الخالدات الحسناوات )
فتجيب عليهن سيدة الجنة(انا المصلية وما صليتن المتوضئة وما توضئتن الصائمة وما صمتن)
و صدق رسول الله صلى الله عليه وسلم حين قال عن نساء الدنيا فى الجنة انهن يفضلن عن الحور العين بسبعين الف ضعف و ان فضلهن على الحور العين كفضل ظاهر الثوب عن بااطنه00
و ليس هذا فحسب نعيمها00 فلها فى الجنة لقاء مع المحبوب الاعظم 00مع مالك الملك لقاء معها لوحدها 00 تنظر الى نور وجهه00 لقاء يقربها فيه اليه00 يحاضرها جل جلاله فيها محاضرة00 يذكرها بفضله عليها00 يخبرها متى رضى عنها00متى غفر لها00 يمن عليها برضاه فلا يسخط عليها ابدا00 نعيم لو ان ليس فى الجنة غيره لطاب فيها البقاء00طوبى لنساء الجنة00طوبى لهن ذلك النعيم00طوبى لهن و رضى الله عنهن00



أختى فى الله :

اجمل حاجة فى الدنيا ان الاميرة دى تكون انتى00 وان النعيم ده يكون ليكى00 تخيلى نفسك هناك00 وسط النبى صلى الله عليه و سلم00 وسط الصحابة00 وسط السيدة عائشة و أسماء00
كل ده جزء صغير من النعيم اللى مستنيكى هناك0
بس خلى بالك00كل ده ما جاش كده00 كل ده كان لأنها كانت حريصة على طاعة ربنا00 كانت بتحاول ترضيه00و عندما سألت السيدة أم سامة النبى صلى الله عليه و سلم عن نعيم النساء فى الجنة و حدثها النبى صلى الله عليه وسلم عنه سألته كيف يبلغوا ذلك فقال النبى صلى الله عليه وسلم لها انه بصلاتهن و صيامهن و طاعتهن لله عز وجل فأحرصى على طاعة الله و اول حاجة تحرصى عليها هى رضا ربنا عز وجل بالحجاب الصحيح ، الحجاب الصحيح اللى قالنا عليه ربنا 00 الحجاب الصحيح فى شكله و سلوكه00 لو كنت عايزة فى يوم من الايام تكونى مكانها00 ما تتردديش 00 واعملى زيها00 و افتكرى دايما00 ان حجابك الصحيح أول خطوة للجنة0

منقووول

[أمة الله (نانيس)]

فعلا يا ميرا ليس غطاء الرأس فقط هو الحجاب
بارك الله فيكِ وأثابكِ الجنة.

[الازهري المصري]

للأسف أنتشر بين الناس في مجتمعنا ثقافة غطاء الرأس وليس ثقافة الحجاب وشتان البون بين الاثنتين
فالكثير يعتقد ان الحجاب هو ستر الرأس او جزء منه فحسب بينما الحق هو ستر الجسم كله ما عدا الوجه والكفيين (نزولا على رأي الجمهور)
والستر لا يكون بما شف أو وصف بل يكون بالفضفاض الساتر الغير ملفت والغرض من هذا حفظ الأعراض وكبت الشهوات وسلامة القلوب "ذَلِكَ أَدْنَى أَن يُعْرَفْنَ فَلَا يُؤْذَيْنَ " ,"وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ " ," فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ "
فالغرض من الحجاب وسببه هو الحفظ والستر ومنع الشهوة وسلامة الأعراض لذا ما نراه اليوم من بعض الأخوات ليس حجابا بل هو نوع أو صنف من أصناف الموضة
نسأل الله الهداية لنا ولجميع المسلمين

[فكرة]

الغالية...د.نسيبه..

موضوع قمة في الروعة...و في وقته المناسب...

فعلاً دلوقتي بقت الشوارع مليانه بمدعيات الحجاب اللي بيغطوا شعرهم أو جزء منه و متخيلين انه هم كده محجبات....حسبنا الله و نعم الوكيل....

لأ و المشكلة كمان انهم بيتسببوا في الشبه للمحجبات فعلاً...تلاقي العامة يقولوا طب فلانة محجبة مع ذلك لبسها بالنسبة لفلانة التانية اللي مش محجبة سيء و فاضح....و أكنها أصلا محجبة و لا حول ولا قوة إلا بالله....

و تلاقي كمان اللي بيقول طب ما هو الحجاب ممنعش عنها الأذى مع انها محجبة اهي...

وغيره و غيره من الكلام اللي اتسبب بيه مجموعة الفتيات دول و للأسف الشديد ما أكترهم....

الحجاب هو الزي الشرعي للمرأة المسلمة...زي...يعني مش طرحة على شعرك و خلصت القصة...ده التزام مع رب العباد و ما أدراك م الإلتزام مع رب العباد...

ربنا يعنا دايماً على حسن طاعته و يهدينا دايماً للأقوم...

د.نسيبة...نقل موفق فعلاً...ربنا يجعله في ميزان حسناتك آمين يارب...

تحياتي...