دعوة للنقاش

[oshaq al aqsa]

السلام عليكم ورحمة الله وبركاته

اولا: يارب تكونوا بخير

ثانيا : فكرنا بعض عاشقات الأقصى وانا في موضوع هام جدا وشغل تفكيرنا واظن تفكيركم كمان زينا وحبينا نعرضه ونتناقش كلنا فيه قبل فوات الاوان وعشان نكون كلنا متأكدين من افعالنا واقوالنا وربنا ييسر على لسانكم الخير والصلاح بإذن الله

الموضوع هو الانتفاضة الفلسطينية الثالثة المقرر اقامتها باذن الله 15/5/2011

اكتشفت مؤخرا ان في ناس كتييييير مش عارفة بموضوع الانتفاضة ده وفي ناس مش مصدقاه وفي ناس كمان مش حاطينه على قائمة كلامهم مش لعدم اهتمامهم بالقضية ولكن عشان شايفين ان مش ده الوقت المناسب

وبدأ كلام يتقال ان الشباب والبنات اللي هيشاركوا في الثورة دي هيكونوا آثمين عشان المفترض يركزوا على تنمية بلادهم اولا وكمطلب شرعي ده اللي احنامحتاجينه وعشان البلدان العربية الاخرى مش كلها خلصت ثوراتها ومانقدرش نكلفهم بحاجة زي كده ولا نحرمهم من المشاركة باستعجال الوقت - وطبعا ربنا هو اللي بيده كل شئ- وكمان عشان الجيش مش مؤهل حاليا للانتفاضة فهو مش مؤهل للدفاع عن اي حد لو حصل حاجة مثلا والبلد داخليا مش مستقرة

ده كان راي طلع عمل بلبلة كبيرة وفي نقاط كتير تانية لكن دول اهمهم

لكن الدعايات للثورة مستمرة

والصفحات لازالت تؤكد على قلق اسرائيل من زحف 15/5

والنفس لازالت تطمح للذهاب

وكمان صعب اننا نقول معاد ونرجع فيه يعني مثلا لو قولنا نأجل ونخليها 15/5/2012 اظن هنحسس الصهاينة اننا مش لينا كلمة ده بغض الطرف عن الكلام المعروف عن العرب في الاصل اللي هنغيره باذن الله

--------------------------

ده كل اللي دار في اذهاننا نرجوا منكم الاجابة عنا لينا كلنا

وجزاكم الله الجنة

[الازهري المصري]

أختاه

هل كان يظن شخص قبل يوم 24 يناير بأننا سنصل إلى ما وصلنا إليه في يومنا هذا وأئمة الفساد كلهم خلف القضبان في انتظار المحاكمة التي نرجو أن تكون عادلة وتصل بهم بإذن الله إلى حبل المشنقة

فرأي أننا نجتهد بما نستطيع فالله هو الموفق أولا وأخيرا

بارك الله فيك أختنا الكريمة

[oshaq al aqsa]

واياكم باذن الله

[المهاجر]

السلام عليكم و رحمة الله وبركاته
هو انا عرفت الموضوع ده
لكن مش عارف ايه الهيحصل بالظبط يوم 15-5
ومع اني لي تحفظ على هذا الموضوع
ولكن اسئل الله الخير للاسلام والمسلمين
والله المستعان

فأرجو ان حد يفهمني ماذا سوف يحث يومها
او ما هو المخطط ان شاء الله

[oshaq al aqsa]

السلام عليكم
أ/المهاجر : هبقى اقول لحضرتك باذن الله المخطط وارقام تليفونات الناس لو عايز تتواصل مع حد فيهم وفيديو بالشرح كمان بس نتاكد الاول من مشايخنا وعلماؤنا ان ده الصح
ولينا عودة باذن الله لاعلامكم باراء علماء ثقات
وربنا يوفقنا ويهدينا للخير باذن الله
جزاكم الله الجنة

[oshaq al aqsa]

هام جدااااا رأي د/راغب السرجاني في الانتفاضة الفلسطينية الثالثة
http://www.youtube.com/watch?v=6JFwpXxvmcg

[المهاجر]

السلام عليكم ورحمة الله وبركاته
بارك الله فيك يااختي
لقد سمعت الدرس
وتحفظي كان في محله
قال الله تعالى (وَأَعِدُّوا لَهُمْ مَا اسْتَطَعْتُمْ مِنْ قُوَّةٍ وَمِنْ رِبَاطِ الْخَيْلِ تُرْهِبُونَ بِهِ عَدُوَّ اللَّهِ وَعَدُوَّكُمْ وَآخَرِينَ مِنْ دُونِهِمْ لَا تَعْلَمُونَهُمْ اللَّهُ يَعْلَمُهُمْ وَمَا تُنْفِقُوا مِنْ شَيْءٍ فِي سَبِيلِ اللَّهِ يُوَفَّ إلَيْكُمْ وَأَنْتُمْ لَا تُظْلَمُونَ)

فقد أمر الله سبحانه وتعالى بإعداد القوة للأعداء بعد أن أكد في تقدمة التقوى ; فإن الله تعالى لو شاء لهزمهم بالكلام ، والتفل في الوجوه ، وحفنة من تراب ، كما فعل رسول الله صلى الله عليه وسلم ولكنه أراد أن يبلي بعض الناس ببعض ، بعلمه السابق وقضائه النافذ ; فأمر بإعداد القوى والآلة في فنون الحرب التي تكون لنا عدة ، وعليهم قوة ، ووعد على الصبر والتقوى بأمداد الملائكة العليا .

أحكام القرآن لابن العربي

[oshaq al aqsa]

جزاكم الله الجنة