السلام عليكم ورحمة الله وبركاته

اولا : يارب تكونوا جميعا بخير وصحة

ثانيا : أكيد كلنا سمعنا عن يوم 15/5 والانتفاضة الثالثة للشباب العربي رغبة منهم لتحرير فلسطين وأكيد حدثتنا انفسنا بالجهاد حتى الشهادة ربنا ينولهالنا جميعــــا بإذن الله

لكن في كذا نقطة حبيت اشارككم فيها قبل اليوم ده بإذن الله:

اولا : الاستعداد العملي وتحضير انفسنا حيث قال الله تعالى " إن الله لايغير مابقوم حتى يغيروا مابأنفسهم" وأكيد كلنا حسينا ده في الثورات اللي حصلت وكان هدفها اسقاط الانظمة في كل البلدان ، ومن هنا لازم نُري الله من انفسنا خيرا لكي يصطفينا ونكون من الشهداء بإذن الله ومن خطوات ذلك ماوصانا به رسول الله صلى الله عليه وسلم

عن ربيعة بن كعب ( كنت أبيت مع النبي صلى الله عليه وسلم آتيه بوضوئه وحاجته ، فقال:سلني ، فقلت : اسئلك مرافقتك في الجنة ، فقال :اوغير ذلك؟ ، فقلت : هو ذاك ، فقال صلى الله عليه وسلم : أعني على نفسك بكثرة السجــــود)بالسنن الرواتب وقيام الليل ومجاهدة النفس بكل اشكاله فهناك مجاهدة الحرام وده معروف وباذن الله هنعمله وهناك مجاهدة الاسراف في استخدام الحلال من الاكل والشرب والمباحات

ثانيا : طيب في ناس هتقول هنعمل ايه؟؟ الفيديو ده http://www.youtube.com/watch?v=MQA46gWHU74 هيبينلكم باذن الله الخطوات العملية للايام الثلاثة الاول 13،14،15/5

ثالثا : نيجي لأهم نقطة - كما اراها - اللي مش هيقدر يروح

بعضنا بيبقى هيتقطع وحاسس بالقضية بشكل يفوق الحد لكن لارتباطه مثلا بظروف عائلية انه المسئول عن العائلة او هي مفيش غيرها يحمي اهلها او اخوانها او اخواتها الاصغر منها مش هيقدروا يروحوا ده مش معناه انك وحش/ــة بالعكس ده باذن الله ليكم ثواب الرباط في سبيل الله ولو متوا برضوا هتكونوا شهداء باذن الله زي ماكان في الثورات اللي فاتت وكمان في خطوات تانية باذن الله :

1- نشر الفكرة بين الناس اللي مش يعرفوا او مش عندهم نت قد يذهب احدهم وتاخد ثوابه باذن الله او حتى لو مااتاثرش بالفكرة اصلا يبقى معذرة إلى ربنا

2- تحضير النفس والالتزام بالعبادة واصلاح ومجاهدة انفسنا

3- الدعـــــــاء

وأخيرا ... الله اعلم كاتبة هذا الموضوع هتكون فين ساعتها يمكن اكون مت قبلها ويمكن اعيش وربنا مش يكتبلي اكون معاهم ويمكن استشهد من اول يوم او احضر الايام كلها وماذلك على الله ببعيد ، لكني اشهدكم باني كتبتها كمشاركة في الثورة وتحضير للنفس واتمنى ان تكون حجة لي ولاتكون حجة عليّ يوم القيامة وأتمنى منكم ان تسامحوني على كل مابدر مني ... وجزاكم الله الجنة