يبقي أنت أكيد فى مصر: الحمد لله مغير الأحوال

[المهاجر]

بسم الله الرحمن الرحيم
السلام عليكم ورحمة الله وبركاته

يبقى انت اكيد في مصر

* لما تلاقى واحد واقف الساعة 7 الصبح بينظم المرور ومش مستنى فى المقابل حاجة

* لما نجم الجيل فى هذه اللحظة العظيمة من تاريخ مصر يبقى عصام شرف مش تامر حسنى

* لما يبقى يوم الجمعة أوله ترانيم وبعد كدة صلاة جمعة وبعدها أغانى وطنية و كله فى مكان واحد

* لما رئيس وزراء دولة يصلى جنبك ع الرصيف

* لما تسمع واحد فى الشارع بيقول تعدى اول دبابة تانى دبابة تالت دبابة تدخل يمين فى شمال

* لما هدايا عيد الأم هذا العام تبقى سبراى سيلف ديفنس...صاعق كهربائى...مسدس صوت

* لما أبوك يقولك كفاية نت بقى هفصله عنك..ترد تقوله إنت عارف أخر واحد عملها عملنا فيه إيه

* لما الناس لسة لاقية تاكل فى بلد بتتنهب بقالها 30 سنة

* لما أبوك يسيب أخبار التلفزيون ويجى يقولك شوفلى الناس بتقول إيه على تويتر

* لما زمان كان عندى القدرة أتفرج على تلت ولا أربع ماتشات كورة ورا بعض و مزهقش...ودلوقتى أزهق من شوط واحد

* لما الجيش يبعتلك مسجات أكتر من خطيبتك

* لما الإخوان المسلمين يجتمعوا بالمجلس العسكرى, وأمن الدولة يصبح تنظيم محظور

* لما أهلك يفتخروا بيك قدام الناس ويقولو ده مش بيقوم من عالفيس بوك

* لما العالم كله يتابع السباق الرئاسى فى مصر كأنه إنتخابات أمريكا

* لما نبقى طول عمرنا بنقول نفسنا نبقى زى أمريكا وبعدين أوباما يطلع يقول نفسنا ولادنا يبقوا زى المصريين

وجزاكم الله خيرا
مما ورد الى بريدي

والسلام عليكم ورحمة الله وبركاته

[radwa elshaf3y]

اللهم لك الحمد كما ينبغى لجلال وجهك وعظيم سلطانك

وما بكم من نعمة فمن الله

جمييله اووى جزيت الفردوس الاعلى

ياا رب الظواهر الجميله تستمر والسيئه تختفى اللهم اميين