شنط رمضان لعام 1431

[زوجة الازهري المصري]

السلام عليكم و رحمه الله و بركاته
قال رب العالمين : " من ذا الذى يقرض الله قرضاً حسناً فيضاعفه له أضعافاً كثيره "
مين يا شباب اللى عنده استعداد انه يقطع من ماله الذى أعطاه الله له ليعطيه لله فيأجره عليه
يااااااااه سبحانه الكريم
يعطينا اموال من رزقه و عندما نرد جزء بسييييييييييط له من هذا المال يأجرنا عليه بأضعاف مضاعفه

ندخل فى الموضوع
عزبه خير الله دى انا اول مره رحتها كان فى رمضان اللى قبل اللي فات
واحده صاحبتنا قالت لنا عليها و روحت و صُدمت بالمكان
حسيت انى عمرى فى حياتى ما شفت فقراء قبل كده
اسره كامله بتفطر المغرب فى رمضان على فتافيت عيش بلدى وطبق مكرونه صغير بايت
تخيلوا الست بكت لما خدت شنطه فيها فرخه و كيس رز
تخيلوا بتبكى عشان فرخه
احنا كمان ساعات بنبكى لما نشوف فراخ
بس ساعتها بنكون زهقانين منها
ما اصل كل يوم فراخ و لحمه و سمك او بيتزا او بشاميل..............
حاجه تزهق مش كده!!!!

بجد رجعت اليوم ده طبعا لقيت الاصناف اللى بنبقى زهقانين منها ، و الله العظيم مش كان ليه نفس للاكل من كتر كسوفى من ربنا

اقصى درجه فقر ممكن تتخيلوها
فقر للمال
فقر للصحه
فقر للرعايه
فقر للحنان
فقر للنظافه
تخيلوا حتى المياه و الصرف الصحى مش عندهم
مش عندهم ميه يشربوا او يدخلوا الحمام
و الكارثه
فقر للدين
بجد تقريبا اغلبهم مش بيعرفوا يصلوا و اللى بيشرب سجاير و مخدرات و اللى واخدين قروض و دخلوا السجن و تلاقى مثلا القرض ب 600 جنيه
تخيلوا واحد يدخل السجن عشان 600 جنيه او اقل
و عقيدتهم تقريبا شبه متدمره
كنت بتكلم مع واحده فبقولها ربنا هو اللى بيرزقك
" قالت لى ربنا
ربنا ده فوق !!!! "
كنت واقفه مصدومه م الكلمه بتاعتها
و ان ازاى الست زى ما يكون اول مره تسمع عن ربنا و اول مره تعرفه
و فاكره انه _ استغفر الله _ بيخلق فقط
حاشاه سبحانه
لكن اللى صدمنى اكتر ان كل الناس دى فى رقابتنا احنا
صدقونى بجد انا مش جايه عشان اخنق عليكم و اضايقكم و اصحى كل واحد من غفلته
لكن دى الحقيقه اللى لازم نعترف بيها

قال رسول الله ( صلى الله عليه وسلم )
"ما آمن بي من بات شبعان وجاره جائع إلى جنبه وهو يعلم به ".
صححه الألباني : 5505 في صحيح الجامع
و العلماء قالوا ان جاره دى تشمل المدينه اللى هو عايش فيها
يعنى سكان القاهره يا شباب مصر
(:
بصوا انا مش جايه اقفلها فى وشكوا
لكن بصراحه الدين ده محتاج رجاله
رجاله يا شباب و يا بنات مش ذكور
رجاله حاسيين بال 13 سنه اللى اتشتم فيهم النبى صلى الله عليه و سلم و اتطرد من بلده عشان الدين ده

الواجب العملى
1- هنجمع فلوس لشنط رمضان للناس دى و على فكره احنا بنجمع طول السنه مش رمضان بس
( للبنات فقط )
ده لينك الاكونت بتاعى
http://www.facebook.com/profile.php?id=574721354&ref=ts

Marwa El-Desokey

ابعتوا لى رساله خاصه و انا ابعت لكم رقم موبايلى او اكلمكم
و لو فى بنات تحب تيجى تعمل معانا packing
او يوزعوزا معانا يارييييييييت بجد الحاجات دى بترقق القلب اوى و بتشعرنا بنعمه ربنا علينا


( للشباب )
ده لينك اكونت زوجي
( أحمد البحر )
http://www.facebook.com/bahooor

لمنع أى شبهة اختلاط

2- محتاجين شباب يحفظوا قرآن للأطفال ( سن المراهقه ) هناك ضرورى
و ياريت كمان لو ينفع يدوا دروس علم للكبار
و بستأذنكم اللى عنده القدره يبعت لى رساله ضرورى

3- محتاجين بنات تحفيظ قرآن للبنات و الأطفال
و ياريت كمان دروس علم للكبار

بارك الله فيكم

و على فكره بفضل الله احنا اخدنا تصريح بجمعيه اسمها
" ضع بصمتك "
و لها مقر فى العزبه
و بندور على مقر فى المعادى
غير المقر اللى فى العزبه

منذ ولادتنا و نحن نفخر بالاٍسلام فمتى سيفخر بنا الاٍسلام؟!!!

الدال على الخير كفاعله

و صلى اللهم و سلم على خير من جاهد لنصره هذا الدين
و الحمد لله رب العالمين

[ريحانة]

إلى جانب كل ما ذكرتي بخصوص عزبة خيرالله .. وما خفي كان أعظم

فهناك أمر آخر هو أن المتولي هذه العزبة تقريبا والقائم على شئونها هم النصاري .. وهي منطقة ومرت لهم لنشر دينهم

وكانوا هم القائمين على أمور المسلمين هناك بدءا من أساسيات حياتهم " المأكل والمشرب والعلاج " إلى كل شيء .. مقابل طاعتهم وتنصيرهم .. التنصير هناك بطريقة مباشرة وغير مباشرة .. إلى أن تم إنشاء مجمع إسلامي منذ سنوات كان أول مجمع إسلامي وهدفه رعاية المسلمين وخدمتهم وإنتشالهم مما هم فيه ومن تولي النصارى لأمرهم وهو مجمع " سيد المرسلين "



ويمكن مشاهدة مشاركتي هنا .. بها معلومات
http://www.da3oa.net/forum/threads/3...سلامية!!/page2




ولذلك ففعلا العزبة تحتاج مجهودات عظيمة واتحاد الجهود للنهوض بها والاستمرار .. بارك الله فيكي وأسأله أن يستخدمنا ولا يستدلنا

[المهاجر]

السلام عليكم ورحمة الله وبركاته
بارك الله فيك
والحمد لله الذي فضلنا على كثير من خلقه
وان شاء الله يكون لنا نصيباً من المشاركة
ولا حول ولا قوة الا بالله

[زهراء]

بوركت أخيتي الكريمة على المساعي الطيبة
ثقل الله ميزان حسناتك و زادك من فضله

[omimaomima]

انا مش بعرف اتواصل عبر الفيس بوك يا رايت يا مروة تبعتيلى ازاى نساعدهم فى رسالة خاصة او من خلال ايميل

[زوجة الازهري المصري]

انا مش بعرف اتواصل عبر الفيس بوك يا رايت يا مروة تبعتيلى ازاى نساعدهم فى رسالة خاصة او من خلال ايميل

جزاك الله خيراً يا أميمه
انا بعت لك الميل بتاعي في مسدج

[زوجة الازهري المصري]

السلام عليكم و رحمة الله و بركاته

ذهب موسى و ترك قومه للقاء ربه
و عندما قال له رب العالمين:

" وَمَا أَعْجَلَكَ عَنْ قَوْمِكَ يَا مُوسَى(83)قَالَ هُمْ أُولاءِ عَلَى أَثَرِي وَعَجِلْتُ إِلَيْكَ رَبِّ لِتَرْضَى"

أيْ أيُّ شيءٍ عجَّل بك عن قومك يا موسى؟ قال الزمخشري: كان موسى قد مضى مع النقباء الذين اختارهم من قومه إِلى الطور على الموعد المضروب ثم تقدمهم شوقاً إِلى كلام ربه {قَالَ هُمْ أُولاءِ عَلَى أَثَرِي} أي قومي قريبون مني لم أتقدمهم إِلا بشيء يسير وهم يأتون بعدي {وَعَجِلْتُ إِلَيْكَ رَبِّ لِتَرْضَى} أي وعجلتُ إِلى الموضع الذي أمرتني بالمجيء إِليه لتزداد رضىً عني .. اعتذر موسى أولا،ً ثم بيَّن السبب في إِسراعه قبل قومه وهو الشوق إِلى مناجاة الله ابتغاءً لرضى الله

فمن منّا يشتاق اٍلى ربه كما اشتاق اٍليه موسى؟
فمن يعجل و يذهب اٍليه و يقول
" اٍني ذاهب اٍلى ربي سيهدين "
كما قالها اٍبراهيم

فكيف سنعبَّد الله عز وجلَّ بشوق وحب هذا العام؟

فلابد أن يكون لديك الإستعداد للتضحية بكل شيء، لكي تنال الرضا والقُرب من الله عز وجل.

عن معقل بن يسار قال: قال رسول الله "يقول ربكم: يا ابن آدم تفرغ لعبادتي أملأ قلبك غنى وأملأ يدك رزقاً، يا ابن آدم لا تباعد مني أملأ قلبك فقرًا وأملأ يدك شغلاً"[رواه الحاكم وصححه الألباني] .. وهذا زمان التفرُّغ لعبادة الله جلَّ وعلا .. ومهما إنشغلت عن عبادته بالدنيا، فستظل فقيرًا مُحتاجًا ولن تشعر أبدًا براحة البال

بفضل الله جبت أسعار الحاجات

شوال الأرز
25 كيلو ب 60 جنيه
الكيلو ب 240 قرش

شوال المكرونه
10 كيلو ب 25.5 جنيه
الكيلو ب 250 قرش

شوال الفاصوليا
50 كيلو ب 262.5 جنيه
الكيلو ب 525 قرش

شوال اللوبيا
100 كيلو ب 600 جنيه
الكيلو ب 650 قرش

شوال العدس الأسود
50 كيلو ب 300 جنيه
الكيلو ب 600 قرش

شوال العدس الأصفر
50 كيلو ب 350 جنيه
الكيلو ب 700 قرش

باكت السكر
10 كيلو ب 37.5 جنيه
الكيلو ب 375 قرش

شوال البلح
50 كيلو ب 250 جنيه
الكيلو ب 500 قرش

كرتونة الزيت
( سندباد )
12 زجاجه ب 60 جنيه
الزجاجه ب 500 قرش

كرتونة السمن
(بنت البلد )
12 علبه ب 72 جنيه
العلبه ب 600 قرش

علبة الصلصه
(طماطم - فرجللو )
12 برطمان - 380 جرام ب 21.6
البرطمان ب 180 قرش

باكت قمر الدين
( المستورد)
12 لفه ب 6.25 جنيه
اللفه ب 50 قرش تقريبا

باكت الشاي
( العروسه - الكبير )
12 باكو ب 26 جنيه
الباكو ب 225 قرش

محتويات الشنطه :

3 كيلو أرز
3 كيلو مكرونه
1/2 كيلو فاصوليا
1/2 كيلو لوبيا
1/2 كيلو عدس أسود
1/2 كيلو عدس أصفر
2 كيلو سكر
1 كيلو بلح
زجاجة زيت
علبة سمن
برطمان صلصه
لفة قمر الدين
باكو شاي

و لا تنسوا

ما خُلقت لألعب اٍنما خُلقت لأعز الاٍسلام

[ريحانة]

أسأل الله لكي الثبات والإخلاص وأن يستخدمكي ولا يستبدلك .. اللهم آمين