انا قولت اشارككم بحاجة انا عملتها عجبت ماما وعجبتنى لكن بابا واخويا معجبتهموش بس مش العيب فى الاكلة والله ولا انى عملها وحش ولا حاجة بس بابا مش بيحب التوابل الكتير واخويا مش بيحب الاكل الغريب
المهم جربوها واحكموا بس لو معجبتش اهلكم مش تجيبوا اللوم عليا او على الاكلة اهم حاجة يكونوا بيحبوا الاكل الغريب والبهارات
الزربيان العدنى (كبسة يمنى )
المقادير:
فراخ او لحم
4 اكواب رز
5 حبات بطاطس
5حبات بصل
2راس ثوم
5ملاعق كبيرة زبادى
3 ملاعق صغيرة كمون مطحون
4 او 5 ملاعق صغيرة بهارات (فلفل اسود ،حبهان مطحون ،قرفة،قرنفل،زنجبيل،ملح،زعفران وانا زودت من عندى شوية شطة صغنين ومش حطيت لا حبهان ولا زعفران مش هتفرق اوى يعنى ) وفحم للرائحة
الطريقة:
-تنظف الفرخة وتخلط مع الزبادى والثوم والبهارات والملح ونتبل بيه الفراخ والبطاطس وتكون مقطعة مكعبات ونسيبهم من بليل فى التلاجة
-نقطع البصل شرائح ونقليه فى زيت بس نكثر الزيت شوية لحد ما يبقى لونه ذهبى وبعد كده هنصفيه من الزيت
-بنفس الزيت هنحط خليط الفراخ والبطاطس وبعد كده هنحط البصل الذهبى وبعدين الرز بعد ما نغسله طبعا ونحط عليها شوية مياه عشان يستووا كلهم ونغطيهم كويس ونحطهم على نار هادية من اول ما بدانا الطبيخ ومتخافوش كله هيستوى وبعد كده اول ما تنضج نشعل قطعة فحم خاصة بالطبخ ونحطها فى قشرة بصل مدهونة بزيت ونحطها على الرز ونغطيها عشان تفضل الريحة وبالف هنا
ويارب تعجبكم ودعواتكم لو عجبتكم
دليلك من الاطباق المجربة
رد مع اقتباس
المشاركة الأصلية كتبت بواسطة زمردة
مواقع النشر (المفضلة)