بمناسبة العيد .. طبق كباب المأكولات البحرية
[align=center]كل عام وأنتم بخير
معكم طبق سمك آخر غير تقليدي
طبق كباب المأكولات البحرية
[/align]
وده طبق مفيد جدا للناس اللي طالعة من رمضان وزنها زايد شوية...
المقادير:-
• ربع كيلو جمبري متوسط الحجم.
• ربع كيلو سمك فيليه مقطع مكعبات متوسطة الحجم.
• ربع كيلو كاليماري "سبيط" مقطع مكعبات متوسطة الحجم.
• 1 حبة بصل مقطعة قطعا صغيرة.
• ربع حزمة بقدونس مقطع قطعا صغيرة.
• ربع رأس ثوم مفروم.
• ملعقة كبيرة كمون.
• ملعقة كبيرة بهارات سمك.
• 1 حبة فلفل أخضر,مقطع قطعا صغيرة.
• عصير 4 ليمونات.
• 1/2 كوب زيت ذرة.
• ملح وفلفل.
الطريقة :-
1. اخلطي الثوم والبصل والفلفل الأخضر والبقدونس مع بعض وبعد كده ضيفي إليهم الملح والفلفل والكمون وبهارات السمك وعصير الليمون والزيت وقلبيهم مع بعض.
2. اغسلي الجمبري والكاليماري والسمك كويس وبعد كده ضيفي إليهم الخليط السابق وقلبيهم مع بعض وسيبيهم مع بعض لمدة 3 ساعات علشان الجمبري والكاليماري والسمك يتبلوا كويس.
3. بعد مرور الثلاث ساعات هاتِ أسياخ خشبية أو معدنية وابدئي في رص الجمبري والسمك والكاليماري فيها بحيث يكون كالتالي "قطعة جمبري قطعة كاليماري قطعة سمك وهكذا لغاية ما السيخ يكمل تعملي اللي بعده، وعلى فكرة ممكن تحطي بين كل قطعة والتانية طماطم أو شرائح فلفل أخضر أو بصل.
4. رصي الأسياخ دي في صينية ودخليهم الفرن أو حطيهم على الشواية الفحم أو الكهرباء ورشي فوقهم باقي التتبيلة اللي أنت عملتيها وخدي بالك إنك تقلبي الأسياخ من وقت لآخر علشان يستووا من جميع الجوانب...ممكن مع الطبق ده تعملي طبق رز أبيض أو طبق بطاطس وطبق سلطة طحينة....
ــــــ
منقول عن موقع بص وطل
رد مع اقتباس
المشاركة الأصلية كتبت بواسطة salamat
مواقع النشر (المفضلة)