بيانات على تذكرة مسجون .... الفاجومى .... أحمد فؤاد نجم

[يا رب محتاجلك]

اخوانى وأخواتى الكرام

السلام عليكم و رحمة الله

كيف احوالكم ؟ لعلكم بخير ان شاء الله

النهارده معانا الشاعر الجميل ابن البلد الاصيل / أحمد فؤاد نجم و متهيألى كل المصريين يعرفوه

شاعر الشعب احمد فؤاد نجم و طبعا حاولنا كتير جدا نعرف لقبه ( الفاجومى ) ده معناه ايه بس ماعرفناش بس تقريبا معناه

المتهور أو حاجة بالمعنى ده



و اعتقد انه كلنا نعرفه بس برده زى ما اتعودنا نقول عنه كلمتين على السريع كده

(مواليد 1929 - محافظة الشرقية) أحد أهم شعراء العامية في مصر و أحد ثوار الكلمة و اسم بارز في الفن و الشعر العربي الملتزم بقضايا الشعب و الجماهير الكادحة ضد الطبقات الحاكمة الفاسدة ، وبسب ذلك سجن ثمانية عشر عاما . يترافق اسم احمد فؤاد نجم مع ملحن و مغن هو الشيخ إمام ، حيث تتلازم أشعار نجم مع غناء إمام لتعبر عن روح الاحتجاج الجماهيري الذي بدأ بعد نكسة 1967 .

قال عنه الشاعر الفرنسي لويس أراجون : إن فيه قوة تسقط الأسوار ، و أسماه الدكتور علي الراعي "الشاعر البندقية" في حين يسميه : أحد الحكام العرب و هو أنور السادات : "الشاعر البذيء" .

وفي عام 2007 إختارته المجموعة العربية في صندوق مكافحة الفقر التابع للأم المتحدة سفيرا للفقراء

و النهارده معانا قصيدة بعنوان ( بيانات على تذكرة مسجون ) كتبها من معتقل القلعة سنة 1974

الاول القصيدة مكتوبة اهى و فى آخر الموضوع لينك ليها بصوت الشاعر و على فكرة ممكن تقرأ القصيدة وماتعجبكش بس

اسمعها بصوته أكيد هتعجبك

الاسم : صابر
التهمه : مصري
السن : اجهل اهل عصري
برغم انسدال الشيب ضفاير
من شوشتى
لما لتحت خضري
المهنه : وارث
عن جدودي
والزمان
صنع الحضاره
والنضاره
والامان
البشره : قمحى
القد : رمحى
الشعر : اخشن م الدريس
لون العيون : اسود غطيس
الانف : نافر كا لحصان
الفم : ثابت فى المكان
واما جيت ازحزحه
عن مطرحه
كان اللى كان
جهه الميلاد: فى أي اوضه مضلمه
تحت السما
على ارض مصر
من أي دار وسط
النخيل
مطرح ما يجري النيل
ما دام ما يكونش قصر
الحكم: من سبع تلاف سنه
وانا راقد سجين
اطحن على ضراسي الحجر
من الضجر
وابات حزين
الاسباب : سالنى سائل
حبستك طالت
وليه
ولانى طيب
وابن نكته
ما فيش مخالفه ركبتها
ضد القانون
لانى خايف
والقانون سيفه ف اديه
تسأل عليّ المخبرين
فى أي حين
تسمع وتفهم قصتي
الف وبيه


الاسم صابر ع البلا
ايوب حمار
شيل الحمول من قسمتى
والانتظار
اغرق فى انهار العرق
طول النهار
والم همى فى المسا
وارقد عليه
عرفت ليه ؟

دى القصيدة الكتوبة و موجودة بصوته على اللينك دى

http://www.4shared.com/file/16186129/6aefc078/___.html

مساحتها صغيرة جدا حوالى ربع ميجا و هى نسخة mp3

يا رب تكون عجبتكم و انتظروا باقى روائع الفاجومى هنا على المنتدى

السلام عليكم

[الدكتورة نسيبة]

ما شاء الله يا دكتور تقريبا ما شاء الله من هواة الشعر السياسى

دايما بيلفت نظرى شعر احمد نجم بحسه مصرى اوى وبيعبر اوى عن الشعب بتاعنا

جميل الشعر

تسلم ايدك ع النقل

[يا رب محتاجلك]

ما شاء الله يا دكتور تقريبا ما شاء الله من هواة الشعر السياسى

دايما بيلفت نظرى شعر احمد نجم بحسه مصرى اوى وبيعبر اوى عن الشعب بتاعنا

جميل الشعر

تسلم ايدك ع النقل

جزاكم الله خيرا على الرد المشجع يا فندم و فعلا أنا من مدمنى الشعر السياسى و برده من مدمنى الفاجومى

يعنى الراجل ده قلبه ميت اساسا بيقول أى حاجة تيجى فى باله من غير خوف و من غير مايحسبها و دليلى على كده أى حوار

تليفزيونى اتعمل معاه علشان كده قضّى سنين كتير من عمره فى المعتقل

و ان شاء الله باقى روائع الفاجومى فى الطريق

مشكووووورة على المرور الطيب

[eng.supermuslimah]

[align=center]بسم الله الرحمن الرحيم


يعني انا صحيح بفهم مصري spoken و written كمان

بس ده مصري مصري

يعني لازمني كام level وابقى تمام

بس هو اسألونا احنا المش مصريين

المعروف والمتفق عليه
والحق
ان المصريين هم الاكثر عروبة والاكثر وفاء لعروبتهم

مش احكام مطلقه
لان طبعا في شواذّ عن القاعده
بس انا سمعت الجمله دي وعجبتني
وهي حقيقه

وانا بيعجبني شعره جدااا
ومعبر وجميل
ما شاء الله

وجميله مواضسعك يا دكتور
استمر


تقبل الله منا ومنك[/align]

[يا رب محتاجلك]

[align=center]بسم الله الرحمن الرحيم


يعني انا صحيح بفهم مصري spoken و written كمان

بس ده مصري مصري

يعني لازمني كام level وابقى تمام

بس هو اسألونا احنا المش مصريين

المعروف والمتفق عليه
والحق
ان المصريين هم الاكثر عروبة والاكثر وفاء لعروبتهم

مش احكام مطلقه
لان طبعا في شواذّ عن القاعده
بس انا سمعت الجمله دي وعجبتني
وهي حقيقه

وانا بيعجبني شعره جدااا
ومعبر وجميل
ما شاء الله

وجميله مواضسعك يا دكتور
استمر


تقبل الله منا ومنك[/align]

جزاكم الله خيرا يا لميس على الرد الجميل بس عموما هوه فى مصرى اصعب من كده زى جوابات الاسطى حراجى

باللهجة الصعيدى فى كلمات أنا مش فاهم معناها رغم انها مصرى و شكرا على الاطراء الجامد ده فى حق المصريين و أنا

هأسمح لنفسى انى أشكرك بالنيابة عنهم ... و بصراحة الموضوع ده محيرنى ... المصريين تأثيرهم فى العرب جامد جدا رغم

اننا مش أغنى و لا أقوى و لا أى حاجة ... يمكن علشان أكتر أو يمكن علشان بنفكر أو علشان بقينا مش بنفكر ... يمكن

عموما ساعات بأحس انهم كلهم على بعض المصريين و غيرهم لا يساووا شىء أساسا على رأى ابراهيم عيسى : أرملة

تتسول على رصيف الحضارة ( دول العرب لا مؤاخذة و ده كلامه مش كلامى )

ما علينا ... و الله شكلنا هنحصل أحمد نجم و دى أسهل حاجة فى بلدنا .. دخول المعتقل .. و أصعب حاجة الخروج

آسف للاطالة .. مشكورة على الرد

[ali refaat]

تسلم ايدك يا اخى

وده من الناسى اللى انا بحبهم فعلا

تقبل مرورى

[يا رب محتاجلك]

تسلم ايدك يا اخى

وده من الناسى اللى انا بحبهم فعلا

تقبل مرورى

جزاكم الله خيرا اخى الكريم على المرور الطيب

و مشكوووووووووور على الرد و أهلا بيك معانا على المنتدى و منتظرين ابداعاتك