يوميات ... وملاحظات......

[eng.supermuslimah]

بسم الله الرحمن الرحيم
السلام عليكم ورحمة الله وبركاته

هو الموضوع دمه خفيف الحقيقه

طبعا استاذ المهاجر
انت معاك حق تزعل
بس تزعل او تضايق
مثلا
لو ناديت مهندس
باسمه مثلا
وقلك اوقف عندك لو سمحت انا مهندس
كده ممكنت زعل
لانه ما فيش حاجه لا بالهندسه ولا بالطب
تجبرك تقول مهندس او دكتور

اما لو اتنين بيقولوا لبعض
يا مهندس
مثلا يا دكتور
او مهندسه بتقول لمهندسه يا مهندسه

فتزعل ليه
يعني اي اتنين بيكلموا بعض بالالقاب
راحتهم كده مثلا
ما فيش داعي تتضايق




انا عليا
ومع اني لسه مش مهندسه
بس ما عنديش مشكله اي حد يقلي انسه او اي لقب تاني
لان الهندسه
اخلاق
والهندسه مهنية في العمل
ولو انا كنت بشتغل في كل حاجه بحياتي بمهنيه عاليه توصل انها تكون مهنيه هندسه
استحق اللقب
حتى لو ما كنتش مهندس
وياما الواحد بيشوف ناس بتشتغل بمهنية الهندسه وهي مش مهندسه
اللقب مش بيزيد ابدا
بالعكس بيحملك مسؤوليته

بس انت استدعيتني للاسجواب
مع اني مش حزعل لو قلتلي انسة سوبر مسلمة
او حتى اي لقب
او حتى من غير اي لقب
الهندسه عندي طريقة تفكير
مش منصب يعني

اما الي بتشوفه في المنتدى
فدي ترجع لشخصية كل واحد
انا شخصيتي
بحب اقول للمهندس مهندس
وللدكتور دكتور
وللاستاذ استاذ
وبقول لبابا يا مهندس
وهو بيقلي مهندسه
وخطيب اختي بيقلي زميل نقابه
كده عاد ي يعني
مش مفخرة
حاجه بتعبر عن طريقة حياة مشتركة

المشكله الناس بتفتكر ان المهندس
شايف الهندسة ومش مصدق
وهو الحقيقه بيعاني معاناة
واتأكد ان المهندس- لو كان بيفكر تفكير هندسي صحيح-
عمره ما حيقلك لو سمحت انا مهندس!
لانه TIME CONSUMING

ياجماعة هذا ما كان بداخلي
وارجو انه محدش ياخذ الكلام على نفسه عشان انا فاهم عقليات اعضاء المنتدى
وارجو ان محدش يزعل مني
ونتناقش بقى عشان اقتنع بالموضوع

وانا كمان عارفه العقليه زيك
عشان كده حبيت اجاوب على السؤال

لكن في مكان العمل
واجب على الزملاء يحترمو ا الاسماء الوظيفيه
يعني مش معقول تشتغل مدير وتلاقي حد بيقلك
انت يا مهاجر امتى الاجتماع !!
ودارسي الطب بيستحوا تطلق عليهم لقب طبيب
وبأكد على الالي قلتوه انت والاخوة
فالمكانة تأتي من كمية العلم
ومن هنا جات فكرة
لقب الطبيب ولقب المهندس
لانه المفروض انه عنده علم
والله اعلم
وطبعا مش كلهم
وانا مش منهم

طبعا انا فهمت الموضوع صح
وما فهمتوش على حد معين
هو استغراب منك
ومقبول
مع ان الهندسه ما تعنيليش اكتر من ترتيب لمنهج تفكيري

يعني يا رب دلوقتي ما تكونش مضايق اكتر

واسفه انا كمان على الاطاله
بس قلت اوضح
عشان الناس ما تفهمش غلط
والله هو الوحيد اعلم بالنوايا
ونعوذ بالله من علم لا ينفع

وان اكرمكم عند الله اتقاكم

وادعولي بقى للامتحان خصوصا بتاع اليوووم



والسلاااااااااام عليكم حضرة المدير الاستاذ المهااااااجر

[eng.supermuslimah]

والحمد لله انك خلصت الpresentation

الحمد لله

[الدكتورة نسيبة]

عارف يا مهاجر يمكن تستغرب اما تعرف انى مش بحب حد يقولى دكتورة

يعنى محبش حد من اهلى ولا زمايلى فى الشغل ولا جيرانى ينادونى يا دكتورة

يمكن بس مطلوب من العيانين انهم يقولوا يا دكتورة وطبعا مش هقبل انهم يقلوا باسمى ولو انها بتحصل عادى ومش بعلق الا فى حالة واحدة بس لو العيان بدء يتطاول فى الحالة دى لازم وقفة ولازم يتقال يا دكتورة

كمان مش احب اقول على نفسى دكتورة الا للناس اللى بحسها بترسم نفسها عليها او مستقلية بيا

غير كده صدقنى مش بتفرق هى مجرد القاب لا اكتر ولا اقل


واللى بيقول لحد انا دكتور او مهندس او ايا كان فده مش غرور اكتر منه تحديد للواقع

وجزاك الله خيرا

[المهاجر]

السلام عليكم ورحمة الله وبركاته
بصراحة ياسوبر مسلمة انا نص كلامك مش فاهمه
والنص التناي غامض شوية

[المهاجر]

عارف يا مهاجر يمكن تستغرب اما تعرف انى مش بحب حد يقولى دكتورة

يعنى محبش حد من اهلى ولا زمايلى فى الشغل ولا جيرانى ينادونى يا دكتورة

يمكن بس مطلوب من العيانين انهم يقولوا يا دكتورة وطبعا مش هقبل انهم يقلوا باسمى ولو انها بتحصل عادى ومش بعلق الا فى حالة واحدة بس لو العيان بدء يتطاول فى الحالة دى لازم وقفة ولازم يتقال يا دكتورة

كمان مش احب اقول على نفسى دكتورة الا للناس اللى بحسها بترسم نفسها عليها او مستقلية بيا

غير كده صدقنى مش بتفرق هى مجرد القاب لا اكتر ولا اقل


واللى بيقول لحد انا دكتور او مهندس او ايا كان فده مش غرور اكتر منه تحديد للواقع

وجزاك الله خيرا

السلام عليكم ورحمة الله وبركاته
بس معلش يااختي نسيبة او يادكتورة نسيبة ايهما احب اليك
انا شايف ان في الشغل التعامل بالالقاب احسن عشان متديش فرصة لحد انه يرسم نفسه عليكي او يقلل منك
وانا معاك في كل ال قلتيه

[ali refaat]

[align=center]من بعض يومايتى ايضا

مره عملت موضوع

وتعبت فيه جدا جدا

موضوع عن شم النسيم وانه من اعياد الفراعنه اصلا وبعدين النصارى احتفلو بيه وبقه عيدهم ولا يجوز لنا الاحتفال بيه

بس موضوع جميل فعلاا وخد منى تفكير كبير جدا ووقت ايضا

وفى داخل الردود رد عليا واحد وقالى انته ابن كذا وكذا

وسبنى بامى والله

وسبحان الله

انا كنت سعيد جدا بالسب لسبين

الاول ان فى اعضاء قالو ان ده عيد قومى بين المسلمين والنصارى وان دى وحدهوطنيه

والثانى ان اخدت ثواب ايضا

بس بعد ما الاعضاء اللى كانم بيقولو اننا واحد النصارى مع المسلمين ///// شافم شتيمة النصارى ليا الناس رأيها التغيرا تماما

سبحان الله

على فكره انا هجيب الموضوع هنا ايضا[/align]

[المهاجر]

السلام عليكم ورحمة الله وبركاته
بارك الله فيك اخي الكريم
واعانك على نصرة الاسلام والمسلمين
وكده انت كسبت الناس وخلتهم في صفك

[المهاجر]

السلام عليكم ورحمة الله وبركاته
انا ملاحظ ملاحظة غريبة
ان الشباب بين بعضهم انتشر لفظ غريب
الا وهو (الحكمومة)
وليس المقصود هنا بالحكومة ال احنا عارفنها
لا فهي حكومة من نوع خاص
فهي حكومة عليك انت فقط وعلى غيرك في حمل وديع
وطبعا الحكومة دي مينفعش ينزلها كلمة
ولا تتاخر عليها في طلب او اي حاجة
ولازم تمشي على كلامها بالحرف
والا................
ها عرفتوا ما هي الحكومة المقصودة
انها الخطيبة او الزوجة
فهي الحكومة الفعلية في مصر على الشخص

وكمان انا عندي استفسار
ليه احنا معشر الشباب لما حد يجي من صحبنا يخطب ولا يتزوج
نقعد نقله اعقل يامجنون هضيع نفسك انت كده احسن
ونحن من داخلنا كل واحد نفسه يخطب من بكرة
لماذا هذا التفكير
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وجزاكم الله خيرا

[عبدالله]

لا ياباشا الموضوع ده مش جديد خالص

الحوار ده قديم جدا جدا جدا


وبالنسبة لحكاية اعقل يا مجنون

اتفرج على كام فيلم من بتوع الثمانينات والتسعينات وانت حتعرف ليه كده

هيكون ايه السبب

الخطاب الإعلامى القذر طبعا


وقلة الوعى والهموم التى يعيش فيها جميع من يتزوج الا من رحم ربى


مشااااكل يابوحميد ربنا يعافينا


وجزاك الله كل خير

وأسألك الدعاء

(ملحوظة:اوعى تتفرج انا بهزر معاك )

[عبدالله]

السلام عليكم ورحمة الله وبركاته

ازيك يابوحميد عامل ايه


انهاردة فى صلاة الجمعة حصل حاجة لفتت نظرى جدا


راجل كبير اوى فى السن كان قاعد جنبى


وفى وسط الخطبة الموبايل بتاعه رن ورنة موسيقى

راح طلع الموبايل بص على الرقم

وقام بالموبايل خرج من الباب الخلفى للمسجد اتكلم فى التليفون شوية وبعدين قفل ورجع تانى قعد كمل الخطبة


وطبعا كل الناس سابت الخطبة وقعدوا يتفرجوا عليه لحد ما خلص تليفونه وجه قعد تانى




تفتكروا امتى هنبطل اللى بنعمله ده ؟؟؟
وياترى ده قلة وعى ولا ده ايه بالظبط؟؟؟
مع العلم ان جدران المسجد مكتوب عليها للتذكرة والخطيب كل جمعة يؤكد ويطلب من الناس يقفلوا موبايلاتهم


ياترى الجمعة دى تتقبل؟؟؟


وياترى ايه ممكن يكون أهم من ربنا وأهم من صلاة الجمعة؟؟؟؟؟

[الدكتورة نسيبة]

وعليكم السلام ورحمة الله وبركاته

لا حول ولا قوة الا بالله طب يعمل لكبر سنه وانه لازم يراعى النقطة دى وانه يعتبر قدوة للشباب

بس هو للاسف اصلا فيه ناس بتروح تصلى الجمعة تادية واجب مش اكتر

مش عارفة بصراحة اعلق غير انى اقول لاحول ولا قوة الا بالله

ربنا يغفره ويتقبل صلاته وصلاتنا

[أمة الله]

حلو الموضوع ده يا جماعة
أنا اول مرة أشوفه

[المهاجر]

السلام عليكم ورحمة الله وبركاته
بصراحة ياعبد الله الجهل بقى منتشر في الامة
والمقصود بالجهل هنا الجهل في الدين
طيب انا كنت سهران مع اصدقائي ذات يوم وقعدنا على كوبري الدائري لغاية صلاة الفجر قلنا نلاوح نصلي
المهم دخلت انا الحمام وصديق لي غيري
بعد ما خرجت قال لي انت كيف استنجيت قلته من حنفية الميه ال في الحمام قال لي يارجل
طيب انا معملتش كده ولبست علطول ينفع ادخل استنجي
قلتله ايوة بس الملابس اصبحت غير طاهرة
ولم يصلي الفجر معنا
وذلك بسبب الجهل
ولا حول ولا قوة الا بالله العظيم

[المهاجر]

السلام عليكم ورحمة الله وبركاته
ايه الاخبار ياجماعة
اتمنى من الله ان تكونوا بخير

المهم
كان في يوم راجع من الشغل فوقفت ميكروباص
وقعدت قدام جني السواق وكان معاه زميل قاعد جنبه
المهم واحنا في الطريق كانوا بيتكلموا مع بعض وفي النص زميل السواق طلع موبايله وكلم شخص واتفق على مقابلته
وبعد ما قفل حكى للسواق قصة المقابلة وكانت قصة احزنتني جدا
كان زميل السواق صديق عائلة للرجل الثالث وكانت اخت الرجل الثالث متزوجه من رجل عليه من الله ما يستحق
فكان زميل السواق يحكي يقول انه ذات يوم دخل زوج هذه المراة مع اصدقائه ومعه خمر
وطلب من زوجته ان تلبس قميص نوم وتخرج تهز مع اصدقائه فرفضت الزوجة زخرجت مسرعة تكلم اخوها ال هو( الرجل الثالث) فكلم الرجل الثالث زميل السواق وقال تعلى معي وذهبا حتى يخلصا هذه المراة وعندما وصلا كانت قد ضربها زوجها الديوث لرفضها ما طلبه منها فضربه اخوها وانكرا عليه ذلك
وعندما سمعت هذه القصة لم اقدر على الصمت بحيث اني في هذه المواقف يكون دروي فقط دور المستمع
ولكني قلت له هيروح من ربنا فين ولم ارد ان اغلط فيه زميل السواق لما سمعني فتح في الكلام وسب وشتم وقال ده قبل كده كان عايز يشغلها في بار وتحدث قليلا
ثم نزلت
وقلت في نفسي هم عليهم نصف الغلط بحيث انهم زوجوا اختهم لشخص لا دين له

حسبنا الله ونعم الوكيل
وربنا يسترها علينا
وجزاكم الله خيرا

[أمة الله]

لا حول ولا قوة إلا بالله العلي العظيم
سبحان الله و الحمد لله المنعم علينا
أنا فعلاً سعات بفتكر غن الحاجات إللي بسمعها ده مش حقيقية
و لكن سبحان الله في ناس كده
و الحمد لله المنعم الهادي الذي هدانا إلى هذا و ما كنا لنهتدي لولا أن هدانا الله
فعلاص الواحد لما يسمع هذه الأشياء المحزنة و المؤسفة لابد من أن يتذكر نعمة الله عليه و يحمده
و نسأل الله لنا و للمسلمين و المسلمات اليلامة من شرور القوم
بارك الله فيك يا أخي