يوميات ... وملاحظات......

[نـور]

قولولنا الناس ايش عملت اليوم ؟؟

[eng.supermuslimah]

[align=center]بسم الله الرحمن الرحيم
السلام عليكم ورحمة الله وبركاته
زي ما عم تقول نور
شو عملتوا اليوم
شو في بالطرييق [/align]

[المهاجر]

[align=center]السلام عليكم ورحمة الله وبركاته
بسم الله الرحمن الرحيم[/align]

التاريخ:
يوم الاربعاء الموافق 16/4
المكان :
في الشغل او الشركة
الحدث:
كنا قاعدين نقفل شغل كان مطلوب مننا من اول الاسبوع وكان عبارة عن persentation عشان يعرض في معرض كمبيوتر في الرياض
المهم
الكمبيوتر بتاعي يعتبر مستودع الفيروسات في الشركة عشان معنديش انتي فيرس يعني ال عايز فيرس يحط الفلاشة بتاعته في الكمبيوتر بتاعي
المهم كان في شغل مهم على اجهزة البرجرمرز وانتقل فيرس لكمبيوتر واحد منهم عن طريق الnetwork طبعا طلع قرار في وقتها ان يتم فصل النت من عندي الى حين تنظيف جهازي
طبعا انا قاعد متضايق ازاي ومش ازاي المهم قررت اني ابحث عن انتي فيرس
وبعد كده اجي استبه مينفعش الفيروسات متمكنة من الكمبيوتر ومش مخلية الانتي فيرس ينزل طبعا تضايقت
طبعا انا حطيت الشغل على الفلاشة عشان اي حدث
وبعدين بحط الفلاشة في كمبيوتر زميلي لقيتها متفيرسه رحت مفرمتها
وكان عليها نسخة من الشغل مش مشكلة
بعدين قلت اهانزل ويندوز جديد لحل المشكلة وتستيب انتي فيرس
المهم كان الشغل كله على الديسك توب يعني على السي
ومن غير انتباه لم اضعه على الفلاشة
وغيرت الويندوز وراح الشغل في الهواء
المهم انا افتكرت في نص التستيب
تضايقت جدا
المهم المدير جه سالني على البرزنتيشن قلتله طار
قال يعني ايه
شرحتله القصة
وقتها كان هيولع في زقال لي تتصرف ويكون عندي برزنتيشن يوم السبت
واديني قاعد في البيت بااعمله

ادعولي اقدر اخلصه واسلمه يوم السبت
وجزاكم الله خيرا

[align=center]والسلام عليكم ورحمة الله وبركاته[/align]

[eng.supermuslimah]

بسم الله الرحمن الرحيم


انا دلوقتي قريتها

: )

هو

اللهم عافنا
الامراض دي بقت منتشرة

بقوة في العالم
ربنا يحمينا ويشفينا
احنا واجهزتنا

ربنا يعينك يا مهاجر وتخلص ال presentation ان شاء الله على خير
والجهاز يتحسن باذن الله

ربنا يعينك

[eng.supermuslimah]

وبالمناسبة جرب الkaspersky
من نصائح حضرة الادمن عبد الله
ما شاء الله
راائع

[المهاجر]

السلام عليكم ورحمة الله وبركاته
ان شاء الله
بس وقتها الكاسبر مكنش له لازمة مكنش عايز ينزل ولا حتى السيمنتك
خير ربنا يستر

[المهاجر]

[align=center]السلام عليكم ورحمة الله وبركاته
بسم الله الرحمن الرحيم[/align]

النهاردة ال هو الجمعة
كان عندي كتب كتاب ابن عمتي
عقبالكم جميعا
اللهم امين
في مشيخة الازهر
انتوا عارفين يعني ايه مشيخة الازهر طبعا
المهم لما رحنا هناك
كنا وصلنا بدري فوقفنا بره شوية
وبعد كده كان قبلينا كتب كتاب تاني
المهم اشوف ايه بقى ؟؟؟؟؟؟؟؟؟
اشوف نساء معلش في الكلمة هم لو رايحين كبريه مش هيلبسوا كده
كله جيب فوق الركبة والصدر مكشوف
وياريتها واحدة بس دول مجموعة
وكنت وقتها مش عارف الاقي مكان انظر اليه
زي متقول ان هما محاوطين المكان وهتنظر يعني هتنظر بالذوق ولا بالعافية

عافنا الله
اللهم اغفر لي
اللهم اهد شباب وبنات المسلمين ونحن معهم
اللهم امين
ياجماعة المكان ده لازم يحترم قدسيته
مش بالسفالة والانحطاط ده
معلش في الكلام الجاي اعذروني
طبعا عارفين مارينا وشرم الشيخ
هناك اماكن لايسمح بها للنساء لنزول الماء او البحر الا وهم لابسين ميوه او(بكيني) بمعنى اوضح
والرجالة يكون لابسين ميوه سباحة


يبقى من الاولى في الازهر تحدد لبس للنساء يكون واسع مش هنقول حجاب عشان غير المتحجبات بس يكون طويل وواسع

استغفر الله العظيم
بجد انا تضايقت جدا جدا جدا

وجزاكم الله خيرا[align=center]والسلام عليكم ورحمة الله وبركاته[/align]

[عبدالله]

[align=center]السلام عليكم ورحمة الله وبركاته
بسم الله الرحمن الرحيم[/align]

ادعولي اقدر اخلصه واسلمه يوم السبت
وجزاكم الله خيرا

[align=center][/align]

ايه خلصت ولا لسه؟؟؟
ربنا معاك ياباشا

بجد مقلب فظييييييع انك تنسى داتا مهمة على الديسك توب او بارتيشن السى وتنسى تنقلها قبل ما تفرمت


على فكرة انا بجد بنصحك بالكاسبر زى لميس ما قالتلك جزاها الله كل خير


وكمان انا متابع الموضوع مشاركة مشاركة

موضوع ممتع جدا


استمر ياحبى

[المهاجر]

[align=center]السلام عليكم ورحمة الله وبركاته
بسم الله الرحمن الرحيم[/align]

ياجماعة انا متضايق من حاجة بشفها في كل حته حتى هنا في المنتدى
الا وهي الالقاب المهنية
وحدش يفتكر اني اكمني تجارة فانا بحقد او اي حاجة تانية لكن لما تعرفوا القصة هتفهموا

في شهر 8 الفات كنت باخذ كورس ICDL المهم كنت في يوم قاعد مستني امتحن في قاعة الانتظار
واذا بآنسة تدخل كي تسجل نفسها وهي عايزة تمتحن في وقت محدد وكان النظام ان المركز بيحدد وقت الامتاح بس عشان تاكده لازم تيجي قبل الوقت ال انت عايز تمتحن فيه بساعة حتى يتم الحجز وينزل الامتحان
المهم هي جت قبليها مثلا بربع ساعة
وداخلة تكلم المسؤلة انها عايزة تمتحن دلوقتي في الوقت ده فقالت لها انت محجوزلك الساعة كام قالت الساعة كذا...
المهم قالت المسئولة مش هينفع عشان الوقت اتاخر المهم دخلوا في مشادة مع بعض طبعا انا احب اتفرج على مشادة النساء او اكون مركز معاها (ايه ال هيحصل يعني ) الهم في نص المشادة وفي سخونتها المسئولة كانت بتقول يانسة كذا مش هينفع والله
رد الثانية قالت ايه (بصراحة رد حرق دمي) دكتورة بعد اذنك انا طالبة في كلية طب عين شمس
انا قلت في نفسي(تشرفنا وبعدين يعني )
شوف المخ او العقل البنت خ0رجت من الموضوع عشان لقب
حسيت انها دخلت كلية الطب عشان يقال لها يادكتورة
ده موقف

موقف تاني فس نفس المركز بس في قاعة المحاضرة
برده المدرسة كانت بتشرح في نقطة وبعدين سألت في حد مش فاهم حاجة قام واحد انا مش النقطة كذا
فقالت مدام لا ياستاذة مش هينفع انا ورايا بيت مستنيني وغيره ممكن نخلص
انا قلت في نفسي شوف الانانية يااخي (مع ان النقطة المستفسر عنا غير صعبة ) بس برده من حق الراجل يفهمها
المهم المدرسة معلش يامدام ومش معلش برده في النص تقول لها انا دكتورة بعد اذنك يعني قوليلي يادكتورة
(انا قلت يادي الهنا) طيب دكتورة جاية توجعي قلبنا هنا ليه ماتخليكي في المستشفى بتاعتك ولا في بيتك ال مستنيكي(ده كلامي مع نفسي)



وغيره بقى على النت يجيلي رسائل من كل حتة ويكون المرسل اسمه ENG:ANY NAME اي اسم يعني
طيب يعني انت تعبت ودخلت هندسة عشان تعرف الناس انك مهندس او طالب في كلية هندسة وبعدين يعني نعمل نوطي يعني واحنا بنكلمك ولا ايه عايز ايه يعني غرضها ايه نفسي اعرف
على كده بقى انا اكتب قبل اسمي acc. ahmed alafndy يعني المحاسب احمد الافندي وبعدين يعني برده
ايه المفيد مش محاسب في منه كتير ومتعبش اوي يبقى مش لازم يعرف ال حوليه انه محاسب عشان المحاسبة دلوقتي عيب
وغيره انا نفسي اعرف ايه الفايدة
حد يقول لي يعني انا اذا معرفتش انك مهندس او دكتور او اين كنت هااعملاك معاملة مش ولابد
ولا هم بتوع طب وهندسة ليهم معاملة طبعا بقى كليات القمة والباقي ليهم معاملة دول حثالة محدش يبصلهم
حد يفهمني ياجماعة
ياجماعة حد يناقشني فين بتوع طب وهندسة
فين الدكتورة نسيبة ولا فين الازهري المصري ولا فين سوبر مسلمة
يعني يادكتورة نسيبة حضرتك هتزعلي لو مقلتش لك يادكتورة
وانت كذلك ياازهري هتزعل لو حد قال لك يااستاذ احمد مش ياباشمهندس احمد وانت كذلك ياسوبر مسلمة
عشان استاذ دي بتتقال لبتوع تجارة والكليات الاخرى
طيب الناس التي لم تدخل كليات دي نندها باسمها علطول( عشان دول مدخلوش كليات احنا هنسويهم بينا ولا ايه)

ياجماعة هذا ما كان بداخلي
وارجو انه محدش ياخذ الكلام على نفسه عشان انا فاهم عقليات اعضاء المنتدى
وارجو ان محدش يزعل مني
ونتناقش بقى عشان اقتنع بالموضوع

وجزاكم الله خيرا

[align=center]والسلام عليكم ورحمة الله وبركاته[/align]

[andash22003]

السلام عليكم ورحمه الله وبركاته
اولا احب اسئل يا مهاجر خلصت البرزينتيشن بتاعك ولا لسه ؟ وربنا يوفقك
اما بالنسبه لموضوع الالقاب ده عندك حق احيانا بنخرج عن الموضوع المهم والرئيسى علشان نصحح اللقب بس احيانا بيكون نوع من انواع الغرور والتكبر او التعالى ع الشخص الى أدامه يحب يعرفه انه اعلى منه مثلا ( انا دكتور انما انت موظف مثللا) او ف انه بيتهرب من الموضوع ف يدخل ف تفاصيل ليس لها قيمه.
وبعدين ما المهندسين متبهدلين هما كمان سواق التاكسى والميكروبااااااااز بيتقاله يا باش مهندس سعادته البيه السباك بيتقاله يا باشمهندس انا طبعا ما بققلش من المهن دى بس لو كل حد فينا يلتزم بلقبه مش هيحصل ده.
وبعدين لكل مقام مقال يعنى لو ف شغلك يبقا ما تسمحش لحد غير يقولك بلقبك المهنى يا استاذ او يا دكتور او يا باش مهندس
انما بره شغلك يكون فيه تعامل تانى .
هضرب مثال واقعى ايام ما كنت ف ث ع وكليه كنت مبسوطه بلقب الباشمهندسه حلو بس بعد كده اجى اخرج م الكليه ف اى مكان الكل ينادى يا باشمهندسه ليه هو انا ميكانيكى ؟؟؟ بره الشغل يتقالى يا آنسه فلانه لو اتقالى باسمى عادى انا ما بدققش بس هو فعلا موضوع مستفز
واسفه للاطاله انا حبيت اشارك بس انما ما تزعلش يا مهاجر تبقا اكتب قبل اسمك المحاسب
وبعدين دلوقتى معدتش فيه فرق بين كليات قمه وغير قمه المهم التخصص والنجاح ف مجالك
وربنا يوفق الجميع

[نـور]

[align=center]وعليكم السلام ورحمة الله وبركاته

تؤ تؤ تؤ تؤ مالك يا احمد ؟؟
ما اعقتد ان الاعضاء حيزعلوا .. لإنك بتناقش فكرة خطرت في بالك .. ودا حقك طبعا

اسمحلي اتكلم من وجهة نظري الشخصية

الموضوع بالنسبة ليا متلخص في فكرتين ..

التواضع .. الأخوة .

بالنسبة ليا .. انا لما اشوف احد بيتعامل بالألقاب(( اذا كانت بالشكل المعقول وبوجه حق )) .. بأشوف فيه التواضع ..
وما يسمح لنفسه انها تعالى عن الأخرين ..
انا احب النوعية دي من الناس .. بجد اقدرها كل التقدير ..

بالنسبة للأخوة ..
اعتقد ان الموضوع هذا يرجع للإنسان نفسه .. وكيف يشوف الاخرين ونظرته لهم .
اذا وصلت درجة الأخوة الى عمق معين .. تلاقي الناس شالت الألقاب .. وبعدت كل البعد عن التكلف في الكلام
واضافة الألقاب وبشكل مستفز وبدون اي وجه حق ..
وطبعا هذا بيعد كل البعد عن التواضع الي ذكرته في الأول .

اما بالنسبة للأعضاء الي هنا في المنتدى .. ماشاء الله تبارك الله متواضعيين على الاخر .
وخلوني احس اني زي اختهم بالظبط يا منا نفسي احد يقولي سعادتك ولا حضرتك

يلا الحمد لله على كل حال ..

اكرر شكري لك على هذه الفكرة الجميلة يا مهاجر ..
بارك الله فيك .[/align]

[المهاجر]

السلام عليكم ورحمة الله وبركاته
هو مبدأيا انا الحمد لله خلصت ال Persentation في المعاد

[عمرو البحر]

اهلا بيك يا احمد
فعلا الموضوع شفته كتير
بس اعتقد ان فيه ناس بتحاول ترسم نفسها من خلال لقب يضاف الى الاسم ( دكتور ـ مهندس ـ استاذ دكتور وربنا يجعل كلامنا خفيف عليهم )
انا شايف ان اللقب ملهوش لزمة بس احيانا هو بيعبر عن الاحترام يعنى مينفعش تقول للمدير بتاعك باسمة كده من غير ما تقله يا بشمهندس او الدكتور فى الكلية مينفعش تكلمة من غير ما تقله يا دكتور وإلا طبعا انت عارف النتيجة

بس بالنسبة للناس اللى شايفة ان من حقها ان الناس كلها تقلها يا دكتور ويا بشمهندس دول ناس دخلوا الطب والهندسة علشان اللقب وهو ده اللى خرجوا بيه من الكلية
وياريت ميكنش همنا اللقب بقدر ما يكون همنا العلم والمعرفة
وجزاكم الله خيرا

[eng.supermuslimah]

بسم الله الرحمن الرحيم
طيب يه الموضوع الجميل ده
انا حقلك ليه
مهندس
ودكتور
بس حرجع عشان عندي امتحان
كما ن شويه والله



لالا فعلا موضوع جميل

[المهاجر]

بس بالنسبة للناس اللى شايفة ان من حقها ان الناس كلها تقلها يا دكتور ويا بشمهندس دول ناس دخلوا الطب والهندسة علشان اللقب وهو ده اللى خرجوا بيه من الكلية
وياريت ميكنش همنا اللقب بقدر ما يكون همنا العلم والمعرفة
وجزاكم الله خيرا

لا ملعش ياعمرو انا مش معاك يعني ايه هو ده اللي خرجوا بيه من الكلية
ال خرجوا بيه هو العلم ال تعلموه يعني احنا بنروح لدكتور عن دكتور تاني عشان عارفين ده فاهم والتاني اسم بس
يعني اي حد وزنه في علمه مش في لقبه ده في الدنيا لكن في الاخرة انتوا عارفين طبعا بالتقوى
يعني هنا فب الدنيا وغدا في الاخرة اللقب ليس له اي فائدة
ربنا يسترها علينا في الاخرة اللهم هون علينا اهوال يوم القيامة واجعلنا من اهل اليمين

بس في نقطة انا مع الناس فيها ان الناس دي الدكتور والمهندس يعني واي حد اخر انه في مكان العمل لازم ولابد ان ينادى عليه باللقب يعني يادكتور او ياباشمهندس لكن بره ميحبكوهاش