المطبخ الدعوى

[الدكتورة نسيبة]

[align=center]عدنا بطريقة جديدة لاكلة تقليدية هى طريقة مفتكسة شوية وجت معايا بالصدفة بس عجبتهم اما عملتها

هى كباب الحلة على طريقتى

المقادير:

اللحمة مسلوقة ومقطعة مكعبات صغيرة

2 بصل مقطع شرايح طولية

2 فلفل اخضر مقطع شرايح برضه طولية

معلقة ثوم صغيرة

ملح وفلفل وسماق وشوية قرفة صغيرة جدا وكاتشاب حار

الطريقة:

هنجيب معلقة سمنة ونحط فيها البصل لحد ما يبقى قريب من الذهبى لكن مش ذهبى وبعدين نحط الفلفل ونقلبهم مع بعض كويس لحد ما تستوى وبعدين نحط معلقة الثوم وبعدين نحط البهارات والكاتشاب الحار على حسب حبكم للحار ونقلبهم كويس لحدما كله يتشرب من البهارات وكل ده واحنا موطيين النار

بعد كده هنضيف اللحمة ونقلبهم كويس مع بعض ونحط شوية مياه صغيرة حوالى ربع كوباية ونغطيها ونوطى عليها ونطفى عليها بعد حوالى ربع ساعة او لما المياه تتشرب وممكن تسيبوا شوية صغيرين جدا عشان يبقى فيه صوص ممكن يتاكل بالعيش وبالف هنا[/align]

[الدكتورة نسيبة]

[align=center]الطريقة اللى هقولك عليها دى على ضمانة صاحبتى انا بصراحة مجربتهاش قبل كده بس هى بتقولى حلوة اوى وعجبتها جداااااا بس انا حساها تقيلة وهى بتقولى لا

انا سيبالكم انتم الحكم بقى

المقادير:

فراخ متقطعة صغيرة والكمية على حسب الافراد

بصلة متقطعة صغير والكمية برضه على حسب الافراد

فلفل اخضر متقطع صغير والكمية على حسب الافراد

مايونيز

وملح وفلفل

توست الابيض (ريتش بيك مثلا )متقطعه حوافه

بقسماط

بيض

الطريقة :

هنجيب البصل ونسيبه شوية على النار لحد قرب ما يبقى ذهبى وبعد كده هنحط الفلفل وبعدين الفراخ وهتكون الفراخ مسلوقة طبعا ونقلبهم كويس مع بعض وبعدين هنشيلهم من ع النار ونحط عليهم المايونيز ونقلبهم كويس مع بعض

بعد كده هنجيب التوست ونحط فيهم الفراخ ونغطيها بطبقة تانية من التوست وبعدين نحطها فى البيض وبعدين البقسماط وبعدين نقليها فى الزيت واما تخرج نحطهاعلى مناديل عشان تسحب الزيت شوية وبالف هنا[/align]

[أمة الله (نانيس)]

بصراحة يا ميرا شكلها كده تحفة ، وممكن مثلا نجربها بدون الخطوة الأخيرة اللي هي القلي بالبيض والبقسماط

جزاكِ الله خيرا

[الدكتورة نسيبة]

فيه اكلة انا اخترعتها جديد وبصراحة مش عارفة اسميها ايه فانتم سموها اللى يعجبكم

المقادير:

بسكويت مارى

علبة لبن مكثف

كاكاو

شيكولاتة سايحة او نيوتلا او مارس

وفروالة للتزيين


الطريقة :

هنجيب البسكويت المارى ونفتته فى طبق ونحط عليه اللبن المكثف حوالى معلقتين كبار ونحط عليهم معلقتين صغيرة كاكاو ونقلبهم مع بعض كويس لحد ما كلهم يكونوا عليهم اللبن و الكاكاو

وبعدين هنبدا نحطهم فى الكاسات اللى هنقدم فيها ونحط عليها الشيكولاتة السايحة او النيوتلا او نذوب المارس ونحطها فى التلاجة لفترة لحد ما تجمد الشيكولاتة وبعد مااتخرج للتقديم هنحط عليها نصف فراولة

وبالهنا والشفا

[eng.supermuslimah]

فيه اكلة انا اخترعتها جديد وبصراحة مش عارفة اسميها ايه فانتم سموها اللى يعجبكم

المقادير:

بسكويت مارى

علبة لبن مكثف

كاكاو

شيكولاتة سايحة او نيوتلا او مارس

وفروالة للتزيين


الطريقة :

هنجيب البسكويت المارى ونفتته فى طبق ونحط عليه اللبن المكثف حوالى معلقتين كبار ونحط عليهم معلقتين صغيرة كاكاو ونقلبهم مع بعض كويس لحد ما كلهم يكونوا عليهم اللبن و الكاكاو

وبعدين هنبدا نحطهم فى الكاسات اللى هنقدم فيها ونحط عليها الشيكولاتة السايحة او النيوتلا او نذوب المارس ونحطها فى التلاجة لفترة لحد ما تجمد الشيكولاتة وبعد مااتخرج للتقديم هنحط عليها نصف فراولة

وبالهنا والشفا

حرام عليكي

ما شاء الله شكلها رائعه
سميها الاكلة القاتله

[حيـ ـاة بـلا حيـ ـاه]

بما إن الانسان مش من مصر ولكنه ماكث فيه هيك بعرف ان اغلب اكلات المصريين وخصوصا طلاب الجامعات معي لا يفطرون سوي بالفول والطعمية وكتير بيحبوهم وهذه وصفاتهم لي لان شعرت بأن اغلبيتكم مصريات:
الفول المصري

مقادير

عشر ملاعق فول ناضج ومهروس
ملعقتا زيت بذرة الكتان أ وكمون وملح وشطة حمراء وعصير ليمونه
قليل من المقدونس المفروم


الطريقة

يسخن الفول المهروس ويتم تتبيله بالزيت الحار والكمون والملح والشطة الحمراء وعصير الليمون والمقدونس المفروم وتقلب المكونات مع بعضها ويقدم ساخنا مع السلطة الخضراء وغالبا اراهم يأكلونه مع البصله الخضراء

والله اختي اقدر اكتب ألك كل شئ عن الفول تبعكم ولكني للاسف لا اطبخ نهائيا نظرا للظروف فيكفيني اني اري اصدقائي يطبخون هذا الفول ذا الطعم اللذيذ والذي تشتهروا به عن عامة الشعوب

[eng.supermuslimah]

بما إن الانسان مش من مصر ولكنه ماكث فيه هيك بعرف ان اغلب اكلات المصريين وخصوصا طلاب الجامعات معي لا يفطرون سوي بالفول والطعمية وكتير بيحبوهم وهذه وصفاتهم لي لان شعرت بأن اغلبيتكم مصريات:
الفول المصري

مقادير

عشر ملاعق فول ناضج ومهروس
ملعقتا زيت بذرة الكتان أ وكمون وملح وشطة حمراء وعصير ليمونه
قليل من المقدونس المفروم


الطريقة

يسخن الفول المهروس ويتم تتبيله بالزيت الحار والكمون والملح والشطة الحمراء وعصير الليمون والمقدونس المفروم وتقلب المكونات مع بعضها ويقدم ساخنا مع السلطة الخضراء وغالبا اراهم يأكلونه مع البصله الخضراء

والله اختي اقدر اكتب ألك كل شئ عن الفول تبعكم ولكني للاسف لا اطبخ نهائيا نظرا للظروف فيكفيني اني اري اصدقائي يطبخون هذا الفول ذا الطعم اللذيذ والذي تشتهروا به عن عامة الشعوب

وبما ان الانسان مش من مصر وما داق الفول المصري
حيجرب الوصفه

وبارك الله فيكِ سمسمة

[eng.supermuslimah]

بس بالمناسبة زيت بذرة الكتان ما عنّا منه ؟

يعني انتي كتبتي او كمون
بس ما اظن انهم بديل لبعض
صح ؟

[حيـ ـاة بـلا حيـ ـاه]

انا جربت زيت بذرة الكتان لانه كنوع من العلاج مفيد جدا وصراحة صعب تحمل مذاقه لذلك كنت بضحك عن نفسي وبضعه بالفول ووجدت ان الاغلبية ايضا بيضعوه نظرا لفوائده
من الممكن تستغني عنه وتضعي كمون او من الممكن الجمع بين الاثنين ولكن مع تقليل نسبة زيت الكتان

[الدكتورة نسيبة]

ما شاء الله يا سمسمة دخلتى على تخصص المصريين مرة واحدة

طب بما انك مش من مصر فاحنا عاوزين اكلات من بلدك للناس فى مصر واهو نتبادل الخبرات فى الطبخات هههه

وتسلم ايدك يا قمر ونروتى المطبخ ربنا يكرمك

[الدكتورة نسيبة]

طيب انا هقولكم على فكرة اكلة جديدة انا من عشاق الايس كريم فاكلت الطبق ده فى مطعم قبل كده وجربته فى البيت وفيه ناس من المنتدى داقته وعجبها

هو اسم الطبق فى المطعم ديلسبس وده عشان قريب من مكان عندنا فى بورسعيد اسمه ديلبسبس

المقادير بقى :

كيك جاهز

ايس كريم طبعا جاهز اللى فى العلب ده

صوص شيكولاتة (ده عبارة عن كاكاو وشوية ماية بس صغيرين خااااالص ونحط عليهم معلقة شيكولاتة سايحة او ممكن بدل الكلام ده نجيب شيكولاتة جالالكسى ونسيحها وهتدى نفش النتيجة واطعم)

ولوز متقشر ومتحمص

الطريقة بقى :

هنجيب طبق شكله شيك كده ونحط حتتين من الكيك وفوقيهم بولتين ايس كريم ونحط عليهم الصوص ونرش عليهم من فوق اللوز المتحمص

وادعولى بقى

[أمة الله (نانيس)]

ديليسبس ده اللي ليه فرع في شارع الثورة في مصر الجديدة؟
شكله هو
ده أنا كرهت المحل من اسمه
بس مفيش مشكلة نجرب الكيكة بالأيس كريم دي
تسلم ايدك يا دكتورة
معلش مشاركة رخمة بأه من أختك